ملتان(آئی این پی)ماڈل قندیل بلوچ کا راز جو اس کی موت پر ہی میڈیا کے سامنے آیا،ماڈل قندیل بلوچ نے ملتان میں اپنی موجودگی کو میڈیا سے خفیہ رکھے رکھا ۔ماڈل چاند رات سے ملتان کے نواحی علاقے مظفرآباد کے ایک گھر میں مقیم تھیں۔تفصیلات کے مطابق گزشتہ شب ملتان میں قتل ہونے والی ماڈل واداکارہ قندیل بلوچ نے ملتان میں اپنی موجودگی کو میڈیا سے خفیہ رکھے رکھا۔دو روزقبل بھی ملتان کے صحافیوں سے گفتگو کرتے ہوئے ان کا کہنا تھا کہ وہ ملتان میں نہیں ہیں وہ ان دنوں کراچی میں مقیم ہیں۔دوسری طرف قندیل بلوچ کے مالک مکان اور پولیس حکام کا کہنا ہے کہ ماڈل چاند رات سے ملتان کے نواحی علاقے مظفرآباد کے گرین ٹاؤن میں مقیم تھیں۔