ممبئی(مانیٹرنگ ڈیسک) بولی ووڈکوئین کنگنا رناوت کو پاکستان میں منعقد کیے جانے والے ایک ثقافتی میلے میں شرکت کی خصوصی دعوت دی گئی ہے۔ بھارتی میڈیا رپورٹس کے مطابق اداکارہ مذکورہ ثقافتی میلے میں شرکت کے لیے اپنے مصروف شیڈول سے کچھ وقت نکالنے پر غور کر رہی ہیں۔ انڈین ایکسپریس کی رپورٹ کے مطابق کنگنا رناوت کو لاہورمیں منعقد کیے جانے والے ایک ثقافتی میلے میں شرکت کی دعوت دی گئی ہے جو رواں سال 4 سے 6 نومبر تک جاری رہے گا۔
اداکارہ کے قریبی ذرائع کے مطابق کنگنا رناوت اس ثقافی میلے میں شرکت کی خواہشمند ہیں۔ واضح رہے یہ ثقافتی میلہ پاکستان کے ایک نجی اسکول کی جانب سے منعقد کیا جارہا ہے جس میں میڈیا، آرٹس، عالمی سلامتی، ڈیجیٹل ٹیکنالوجی، ماحولیات اور 21 وی صدی میں اسکولوں کی تبدیل ہوتی ضروریات پر بحث کی جائے گی۔