ممبئی (مانیٹر نگ ڈیسک ) ڈاکٹروں نے بالی ووڈ اداکارہ کرینہ کپور اور سیف علی خان کے ہاں بیٹے کی ولادت کی نوید سنادی ہے۔بالی ووڈ اداکار سیف علی خان اور کرینہ کپور کو فلم نگری کی سب سے خوشگوار ازدواجی زندگی گزار والی جوڑی قراردیا جاتا ہے جب کہ اداکارہ کرینہ کپور حاملہ ہیں جن کے ہاں رواں برس دسمبر میں نئے مہمان کی آمد متوقع ہے جس کے بعد اب ڈاکٹروں نے ایک اور خوشخبری سنادی ہے۔
بھارتی میڈیا رپورٹس کے مطابق سیف علی خان اور کرینہ کپورنے لندن میں بچے کی جنس جاننے کے لیے ٹیسٹ کروائے جس کے بعد ڈاکٹروں نے اداکار جوڑے کے گھر بیٹے کی پیدائش کی نوید سنادی ہے جس پر پٹودی اور کپور خاندان خوشی سے پھولے نہیں سمارہے ہیں جب کہ دونوں اداکاروں کی جوڑی بھی پہلے بچے کی پیدائش کے موقع پر خوش ہیں اور نیک تمناؤں کا اظہار کرنے والوں کا شکریہ بھی ادا کیا ہے۔واضح رہے کہ اداکارہ کرینہ کپور اپنی نئی آنے والی فلم ’’ویر دی ویڈنگ‘‘ میں حاملہ خاتون کاکردار ادا کریں گی۔