نئی دہلی(مانیٹرنگ ڈیسک) ہندی سینما انڈسٹری میں بیبو کے نام سے شہرت رکھنے والی اداکارہ کرینہ کپور کے امید سے ہونے کی خبر کی تصدیق جب سے انکے خاوند اداکار سیف علی خان نے باقاعدہ طور پر کی ہے ،انڈسڑی میں ہر کوئی انھیں مبارکباد دیتا دکھائی دے رہا ہے۔ تاہم ایک شخصیت ایسی ہیں جنھیں شاید یہ خبر کچھ ذیادہ اچھی نہیں لگی اور وہ شخصیت کوئی اور نہیں بلکہ چھوٹے نواب کی سابق اہلیہ امریتا سنگھ ہیں۔ حال ہی میں جب میڈیا نمائندگان کی طرف سے امریتا کو کال کر کے پوچھا گیا کہ کیا وہ کرینہ اور سیف علی کے پہلے بچے کی پیدائش کی خبر سن کر خوش ہیں تو انھوں نے انتہائی سخت الفاظ میں جواب دیتے ہوئے کہا کہ ’مجھے فون کر کے اس قسم کا سوال پوچھنے جرا ت کیسے ہوئی ، آپ لوگ دن میں کتنے لوگوں کو فون کرکے دوسرے لوگوں کے بارے میں اس قسم کے سوالات پوچھتے ہیں؟آئندہ فون نہ کرنے کی تاکید کے ساتھ امریتا سنگھ نے انتہائی غصے کے عالم میں فون بند کر دیا۔