ممبئی(مانیٹرنگ ڈیسک)بالی ووڈ کے نوجوان اداکار رنویر سنگھ اور ڈمپل گرل دپیکا پڈوکون نے خاموشی سے منگنی کرلی ہے۔بالی ووڈ اداکار رنویر سنگھ اور دپیکا پڈوکون کے درمیان طویل عرصے سے معاشقے کی خبریں زبان زدعام ہیں ٗ اداکار رنویر سنگھ متعدد بار ڈمپل گرل سے برملا اظہار محبت بھی کرچکے ہیں بھارتی میڈیا رپورٹس کے مطابق اداکار رنویر سنگھ اور اداکارہ دپیکا پڈوکون نے طویل عرصے کے معاشقے کے بعد منگنی کرلی ہے جس کے بعد دونوں اداکار جلد ہی شادی کے بندھن میں بندھ جائیں گے ٗ دونوں اداکاروں کی منگنی رسم گزشتہ ماہ ادا کی گئی ہے جس میں دونوں اداکاروں کے خاندان کے افراد نے شرکت کی تھی تاہم دونوں اداکاروں کی منگنی کی خبر کو سب سے خفیہ رکھا گیا۔واضح رہے کہ اداکار رنویر سنگھ اور دپیکا پڈوکون انٹرنیشنل انڈین فلم اکیڈمی (آئیفا) ایوارڈ کی تقریب میں بھی ساتھ ساتھ دکھائی دیئے تھے۔