پشاور (آئی این پی) پشاور میں معروف ماڈل و گلوکارہ قندیل بلوچ کا سابق شوہر ہونے کا دعویدار سامنے آگیا، قندیل بلوچ نے سابق شوہر کے دعوے پر ردعمل دینے سے انکار کردیا ۔ تفصیلات کے مطابق ہفتہ کو پشاور کے درزی شاہد اقبال بلوچ نے میڈیا سے گفتگو کرتے ہوئے دعویٰ کیا کہ قندیل بلوچ سے ڈیرہ غازی میں کورٹ میرج کی تھی ۔ قندیل بلوچ کی پہلی شادی اور اہل خانہ کی ناراضگی پر طلاق دے دی تھی ۔ سابق شوہر نے دعویٰ کیا کہ قندیل نے نام کے ساتھ بلوچ شادی کے بعد لکھنا شروع کیا ۔ دوسری طرف ماڈل قندیل بلوچ نے سابق شوہر ہونے کے دعوے پر تبصرے سے انکار کر دیا۔