ممبئی(آئی این پی) بولی ووڈ اداکار ویویک اوبرائے نے اپنے مسلمان ہیئر سٹائلسٹ کو رمضان کے روزے رکھنے کیلئے ایک ماہ کی چھٹی دیدی۔اداکار کے قریبی ذرائع کے مطابق ویویک اوبرائے نجی زندگی میں تمام تر مذاہب کا بے حد احترام کرنے والے انسان ہیں۔ذرائع کے مطابق مزید اداکار نے اپنے ہیئر سٹائلسٹ کو ایک ماہ کی چھٹی پوری تنخواہ کے ساتھ دیتے ہوئے کہا کہ ماہ صیام کے لیے میرے دل میں بے حد احترام ہے۔رمضان المبارک کے دوران روزہ رکھنے میں لگن اور ایمانداری کی ضرورت ہوتی ہے اسی لیے تم جاو اور عید کے بعد کام پر آجانا‎