ممبئی (مانیٹرنگ ڈیسک)بولی وڈ کی معروف اداکارہ اور رئیلٹی شو کی جج ملائکہ اروڑا خان نے اپنے ایک انٹرویو میں اپنی زندگی کے راز تو کھولے ساتھ میں اپنے ساتھ منسوب لوگوں کی زندگی کا سچ بھی سب پر واضح کردیا۔ اپنے سابقہ شوہر ارباز خا ن کے بارے میں بات کرتے ہوئے کہا کہ ارباز ڈانس نہیں کر سکتے۔ملائکہ کو ٹیٹوز بنوانے کا بہت شوق ہے ان کا کہنا ہے کہ میں اگلا ٹیٹو اپنے بیٹے آرہان کے نام کا بنواؤں گی۔اپنے مداحوں کے حوالے سے بات کرتے ہوئے ان کا کہنا تھا کہ ہر مشہور شخصیت کی زندگی میں پاگل مداح ہوتے ہیں،میرا بھی ایک پاگل مداح ہے جو ہر سا ل میری سالگرہ پر مجھیسرخ گلابوں کا تحفہ بھجواتا ہے۔انہوں نے اپنے دیور سلمان خان کی زندگی کا راز کھولتے ہوئے کہا کہ سلمان ایسی شخصیت ہیں جنہیں جب تک وہ نہ چاہیں کوئی بھی نہیں جان سکتا ،آپ یوں کہہ سکتے ہیں کہ سلمان کو صرف سلمان ہی جانتے ہیں اور کوئی نہیں ،ہاں ایک بات ہے جو میں ان کے بارے میں بتانا چاہوں گی کہ سلمان کو بچوں سے بیحد محبت ہے۔انٹرویو کے دوران انہوں نے اپنی زندگی کے سب سے زیادہ شرمندہ کرنے والے لمحے کے بارے میں بتا تے ہوئے کہا کہ گزشتہ کچھ سال پہلے میں ایک فیشن شو میں شریک تھی اور ریمپ پر ماڈلنگ کررہی تھی کہ اچانک میری سینڈل ٹوٹ گئی اور میں گر گئی ۔