ممبئی (آئی این پی)صبا قمر بالی وڈ میں اپنی ڈیبیو فلم کے لیے تیار ہیں اور ان کی عرفان خان کے ساتھ اولین تصاویر منظر عام پر آگئی ہیں۔بالی وڈ فلم ڈائریکٹر ساکت چوہدری جو اس سے قبل ’پیار کے سائیڈ افیکٹس‘ اور ’شادی کے سائیڈ افیکٹس‘ جیسی فلمیں بنا چکے ہیں، ایک اور کامیڈی فلم بنانے جا رہے ہیں جس میں مرکزی کردار پاکستانی اداکارہ صبا قمر ادا کر رہی ہیں۔اس سے قبل صبا قمر نے بتایا تھا کہ وہ اپنی بالی وڈ فلم میں عرفان خان کے ساتھ ایک حاکمانہ مزاج والی بیوی کا کردار ادا کر رہی ہیں۔فلم میں صبا قمر کے ساتھ شوہر کا کردار عرفان خان ادا کر رہے ہیں۔ ان دونوں کی سیٹ کی کچھ تصاویر منظر عام پر آئی ہیں جس میں دونوں اداکاروں کے بیچ زبردست کیمسٹری نظر آرہی ہے