کراچی (نیوزڈیسک)نیب حکام نے اداکارہ شگفتہ اعجاز کے پارلر میں ہنگامہ کرنے والے اپنے ڈپٹی ڈائریکٹر اوصاف تالپور کو معطل کردیا۔ذرائع کے مطابق نیب حکام کی جانب سے ڈپٹی ڈائریکٹراوصاف تالپور کو معطل کرکے محکمہ جاتی کارروائی کا آغاز کردیا گیا ہے،نیب افسر پرالزام ہے کہ انہوں نے اپنی اہلیہ کے کہنے ڈیوٹی پر موجوداپنے ماتحت اہلکاروں کے ساتھ مل کرخواتین پارلر کے سیکیورٹی گارڈ کو تشدد کا نشانہ بنایا اور پارلر میں گھس کر توڑ پھوڑ کی اورعملے کو ہراساں کیا، جس کے بعد سوشل میڈیا پر ان کی ویڈیوز سامنے آنے کے بعد نیب نے اختیارات کاناجائز استعمال کرنے پر اوصاف تالپورکو معطل کردیا۔دوسری جانب پارلر کی مالک ادکارہ شگفتہ اعجاز کی مدعیت میں شارع فیصل تھانے میں ڈکیتی اور عملے کو زدوکوب کرنے کا مقدمہ درج کرلیا گیا ہے جس میں نیب افسر اور ان کی اہلیہ کو نامزد کیا گیا ہے،تاہم پولیس نے ابھی تک کسی بھی قسم کی کارروائی نہیں کی ۔