چندی گڑھ(نیوزڈیسک) معروف صوفی گلوکار ہنس راج ہنس نے پنچاب کے پارٹی صدر امرندر سنگھ کی موجودگی میں کانگرس میں شمولیت کا اعلان کر دیا ہے۔واضح رہے ہنس راج ہنس گزشتہ ایک سال سے سیاست سے کنارہ کش رہنے کے بعد ایک مرتبہ پھر واپس آئے ہیں۔ اس سے قبل گلوکار شرومنی اکالی دال ’ایس اے ڈی‘کا حصہ تھے تاہم دسمبر 2014ء میں انھوں نے پارٹی سے علیحدگی کا اعلان کر دیا تھا۔ ہنس راج ہنس نے میڈیا سے گفتگو کرتے ہوئے بتایا کہ انھوں نے کانگرس میں شمولیت اس وجہ سے اختیار کی کیونکہ یہ پارٹی تمام مذاہب اور انکے پیرو کاروں کے ساتھ برابری کا سلوک کرتی ہیں۔ علاوہ ازیں پارٹی صدر امرندر سنگھ بے حد شفاف شخصیت کے مالک ہیں۔ انکا کہنا تھا کہ امرندر سنگھ نام نہاد سیاستدانوں کی طرح نہیں ہیں جن کے کھانے کے دانت اور دکھانے کے اور ہوتے ہیں