لاہور(نیوزڈیسک) پاکستان سپر لیگ کی افتتاحی تقریب میں پاکستانی گلوکار علی ظفر اور معروف انٹرنیشنل آرٹسٹ سین پال اپنے فن کا مظاہرہ کریں گے۔ 4 فروری کو دبئی میں منعقدہ تقریب میں ان فنکاروں کے علاوہ مختلف فلمی ستارے بھی اپنے فن کا مظاہرہ کریں گے۔ پی سی بی کے مطابق اسلام آباد یونائیٹڈ اور کوئٹہ گلیڈی ایٹرز کے درمیان افتتاحی میچ سے قبل رنگا رنگ تقریب کا بھی اہتمام کیا جائیگا جس میں فلم سٹار صنم سعید اور محب مرزا لائیو پرفارمنس دینگے۔ اس تقریب میں لیگ میں حصہ لینے والی پانچوں ٹیموں کے کھلاڑی بھی موجود ہوں گے۔