ممبئی(نیوز ڈیسک)بالی ووڈ کی ابھرتی ہوئی اداکارہ شردھا کپور ایک بار پھر اپنی نئی فلم میں آواز کا جادو بکھریں گی۔بھارتی میڈیارپورٹس کے مطابق بالی ووڈ میں فلم ’عاشقی ٹو‘ سے اپنا کرئیرشروع کر نے والی اداکارہ شردھا کپوراپنی نئی آنے والی فلم “راک آن ٹو” میں ایک بارپھر گلوکاری کے جوہردکھائیں گی۔ اس فلم کے لئے شردھا کپور اپنا بنایا ہوا گانا گائیں گی جس کے لئے وہ خوب محنت کررہی ہیں۔شردھا کپور کا کہنا ہے کہ وہ ایک بار پھر اپنی آواز کا جادو جگانے کے لئے بہت خوش ہیں اورانہیں امید ہے کہ ان کا گانا سب کو بہت پسند آئے گا۔ ان کا کہنا تھا کہ اب انھیں لگتا ہے کہ وہ پہلے سے مزید بہتر گا سکتی ہیں۔واضح رہے کہ اداکارہ اس سے قبل فلم ’ولن‘ اور ’حیدر‘ میں بھی گانا گا چکی ہیں جس پر انھیں کافی پزیرائی ملی تھی۔