اسلام آباد (این این آئی)آئندہ 24 گھنٹوں کے دوران ملک کے بیشتر علاقوں میں موسم گرم اور مرطوب جبکہ میدانی علاقوں میں دن کے اوقات میں

شدید گرم رہنے کی توقع ہے تا ہم شام/رات میں کشمیر، بالائی خیبرپختونخوا، شمال مشرقی پنجاب اور خطہ پوٹھوہار میں چند مقامات پر تیز ہواوں/آندھی چلنے اور گرج چمک کے ساتھ بارش کاامکان ہے ۔اس دوران چند مقامات پر موسلادھار بارش/ژالہ باری کی بھی توقع ہے۔محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا،اتوار کوریکارڈ کئے گئے زیادہ سے زیادہ درجہ حرارت : سبی 48، دادو47، بھکر اور روہڑی میں 46ڈگری سینٹی گریڈ ریکارڈ کیا گیا۔محکمہ موسمیات نے کہا کہ موجودہ صورتحال کے پیش نظر بحیرہ عرب سے کمزور مرطوب ہوائیں ملک کے مشرقی علاقوں میں داخل ہو رہی ہیں۔

موسمی کم دبا شمال مغربی بلوچستان پر برقرار ہے جبکہ خلیج بنگال سے مرطوب ہوائیں ملک کے شمال مشرقی حصوں میں (آج)پیر کی شام سے داخل ہونے کا امکان ہے ۔توقع ہے کہ اگلے 36 گھنٹوں میں مغربی لہر بالائی علاقوں تک بھی پہنچ جائے گی ۔