ممبئی(نیوزڈیسک) بھارتی اداکارہ انوشکا شرما نے کہا ہے کہ ویرات کوہلی کے ساتھ گھومنا پھرنا اور منسوب کیا جانا ان کے قابل فخر ہے۔بھارتی ٹی وی کو دیئے گئے انٹرویو میں انوشکا شرما نے کہا کہ گزشتہ چند ماہ میں فلمی مصروفیات کے باعث وہ بہت تھک گئیں تھیں اس کے علاوہ ویرات کوہلی بھی کرکٹ میں بے انتہا مصروف رہے تھے جس کی وجہ سے ہمیں آرام کی بہت ضرورت تھی۔ ویرات کے ساتھ گزاری گئی چھٹیاں بہت خوش گوارتھیں، اس سے ہماری ساری تھکان دور ہوگئی۔انہوںنے کہاکہ ویرات کوہلی وہ شخص ہیں جن کے ساتھ سیروسیاحت کرنا اورمنسوب کیا جانا قابل فخر ہے۔انوشکا شرماکے مطابق خوبصورتی بناو ¿ سنگھار کی محتاج نہیں ہوتی انسان کی مثبت سوچ اسے خوبصورت بناتی ہے۔ ویرات اور وہ عام طورپررنگین ملبوسات پہننے سے گریزکرکے سفید، سیاہ اورسرمئی مائل رنگ پسند کرتے ہیں، اس لئے اکثر اوقات ہم ایک ہی جیسے رنگوں کے ملبوسات میں دیکھے جاتے ہیں۔