سکھر(نیوزڈیسک)نجی ٹی وی کے معروف پروگرام جیتو پاکستان کے نام پر فراڈ کرنیوالی ٹیم کو گرفتار کرلیاگیا ہے گاڑ ی پر چند خواتین اور مردوں نے جیتو پاکستان کے ٹکٹ فروخت کرنے کا ڈرامہ کیا اور ساتھ ہی زیادہ ٹکٹ خریدنے پر زیادہ سامان دینے کی لالچ بھی دی گئی،جعلی ٹیم لوگوں کو مختلف انعامات کا لالچ دیتی رہی، اطلاع ملنے پر پولیس نے موقع پر پہنچ کر ان کو گرفتار کرلیا ، ملزمان سے تفتیش جاری ہے ، نجی ٹی وی کی انتظامیہ نے عوام کو خبردار کیا ہے کہ ایسے لوگوں سے ہوشیار رہیں اس طرح کے نوسر باز مختلف اوقات میں سادہ لوح لوگوں کو ٹھگنے کی کوشش کرتے رہتے ہیں، جیتو پاکستان کے پاس کال سینٹر پررجسٹریشن کرواکر پاس ملتے ہیں یا پھر سہولت بازارمیں خریداری کرکے جیتو پاکستان میں شرکت کے پاس ملتے ہیں اس کے علاوہ جیتو پاکستان میں شرکت کا کوئی طریقہ نہیں ہے