لاس اینجلس(نیوز ڈیسک)ہالی ووڈ اداکار ایشٹن کچراور اداکارہ میلا کیونس نے شادی کر لی، دونوں گزشتہ تین سال سے ایک ساتھ رہ رہے ہیں۔ ایشٹن اور میلا کے ایجنٹس نے اگرچہ اس خبر کی تصدیق نہیں کی تاہم پیپلز میگزین نے اپنے ذرائع کے حوالے سے دعویٰ کیا ہے کہ دونوں نے گزشتہ ہفتے شادی کر لی۔ ایشٹن اور میلا کیونس کی ایک بیٹی ہے جب کہ میلا کیونس ان دنوں پھر امید سے ہیں۔ میلا کیونس کے ساتھ تعلقات سے قبل ایشٹن کچر نے اداکارہ ڈیمی مور سے شادی کی تھی جو ناکام ہو گئی۔37سالہ ایشٹن کچر 1999 سے فلمی دنیا کا حصہ ہیں اور ہالی ووڈ کے مقبول اداکاروں میں شمار کئے جاتے ہیں۔