ممبئی(نیوز ڈیسک) بالی وڈ اداکارہ شلپا شیٹھی نے کہا کہ سیلفی کی روایت عام ہونے کی وجہ سے وہ اب خود باہر نکل کر شاپنگ نہیں کرتی۔ اداکارہ شلپا شیٹھی نے اپنے ایک انٹرویو میں کہاہے کہ آج کل بھارت میں ہر طرف سیلفی کا بخار چھایا ہوا ہے۔ یہ روایت اتنی عام ہوگئی ہے کہ ان کا خود باہر نکل کر شاپنگ کرنا مشکل ہوگیا ہے۔ مداح انہیں گھیر لیتے ہیں اور شاپنگ وہیں کی وہیں رہ جاتی ہے۔ اس چیز کا حل انہوں نے یہ نکالاہے کہ اب وہ آن لائن شاپنگ کرتی ہیں اور پسندیدہ چیزیں آرڈر کر کے شاپنگ سے محظوظ ہوتی ہیں۔