ممبئی(نیوزڈیسک )بالی ووڈ اداکارہ کنگنا رناوت کا کہنا ہے کہ فلم نگری میں بہت سی ایسی اداکارائیں ہیں جو اپنی قابلیت کے باعث نہیں بلکہ اپنی خوبصورتی کے باعث آگے ہیں۔
بھارتی میڈیا رپورٹس کے مطابق کنگنا کا کہنا ہے کہ بالی ووڈ میں ایسی اداکارائیں بھی ہیں جنہیں صحیح طرح سے ہندی بولنا بھی نہیں آتی لیکن وہ محض اپنی خوبصورتی کے باعث کام کررہی ہیں۔ ان کا کہنا تھا کہ بالی ووڈ نگری میں کترینہ کیف وہ واحد اداکارہ ہیں جو ہندی زبان پر بہت محنت کرتی ہیں اورکوئی بھی کردار نبھاتے ہوئے اچھی لگتی ہیں۔
واضح رہے کہ اداکارہ آج کل اپنی فلم تنو ویڈز منو ریٹرنس کی کامیابی پر بہت خوش ہیں جس نے باکس آفس پر اب تک 165 کروڑ کا بزنس دیا ہے۔