ممبئی (نیوز ڈیسک) بالی ووڈ اداکارہ ودیا بالن نے کہا ہے کہ وہ بڑی کاسٹ کو لے کر بنائی جانے والی فلموں میں کام کر کے انجوائے نہیں کرتی۔ بالی ووڈ اداکارہ ودیا بالن نے اپنی تازہ گفتگو میں انکشاف کیا کہ وہ سولو فلموں میں کام کر کے انجوائے کرتی ہے، زیادہ ستاروں کو لے کر بنائی جانے والی فلموں میں کردار نبھانا ان کیلئے دلچسپی کا باعث نہیں اس لئے مستقبل میں وہ ایسی فلموں میں کام کی پیشکش قبول نہیں کریں گی۔ اداکارہ کی نئی فلم ”ہماری ادھوری کہانی“ ہے جس میں ان کے ہیرو عمران ہاشمی ہیں۔ فلم کی ہدایات موہت سوری نے دی ہے فلم جلد ہی سینما گھروں میں نمائش کیلئے پیش کی جائے گی۔