ممبئی (نیوز ڈیسک)بالی ووڈ اداکارہ سلینا جیٹ لی کا کہنا ہے کہ سنی لیونی اور ان کے خاوند ڈینیل ویبر آسانی سے گھر خالی کرنے کیلئے راضی نہیں تھے اور انہیں اپنا مکان خالی کرانے کیلئے قانونی چارہ جوئی کرنا پڑی۔ سنی لیونی اور ان کے خاوند ڈینیل ویبر نے سلینا جیٹ لی سے ان کا گھر دو سال کی لیز پر لیا تھا تاہم بعد میں اس معاہدے میں توسیع کی جاتی رہی۔ سلینا جیٹ لی شادی کے بعد سنگاپور منتقل ہو چکی ہیں، اس وجہ سے انہوں نے اس معاملے میں زیادہ توجہ نہ دی تاہم جب کچھ عرصہ قبل انہوں نے سنی سے گھر خالی کرنے کیلئے کہا تو سنی اور ان کے خاوند اس کے لئے راضی نہیں تھی۔ اس حوالے سے ایک انٹرویو میں سلینا جیٹ لی نے کہا کہ میں نے سنی کو گھر خالی کرنے کا نہیں کہا، میری ٹیم یہ کر رہی تھی اور مجھے میری ٹیم نے بتایا ہے کہ سنی اور ان کے خاوند کا رویہ کافی جارحانہ اور دھمکی آمیز تھا۔ انہوں نے کہا کہ جب میں نے اپنے گھر کی حالت دیکھی تو مجھے بہت پریشانی ہوئی کیونکہ میرا گھر انتہائی گندی اور خراب حالت میں تھا اوراس کا بالکل بھی خیال نہیں رکھا گیا تھا۔ انہوں نے کہا کہ سنی لیونی کے رویئے کی وجہ سے انہیں قانونی چارہ جوئی کرنا پڑی تا کہ انہیں گھر خالی کرنے کے حوالے سے معاہدے کا پابند بنایا جا سکے۔