ممبئی (نیوز ڈیسک) بالی وڈ اداکارسلمان خان کی فلم’بجرنگی بھائی جان‘کی تشہیر کے لیے شاہ رخ خان بھی میدان میں آگئے۔ بھارتی ذرائع ابلاغ کے مطابق سلمان کی آنے والی فلم ‘بجرنگی بھائی جان’ کی تشہیر کے لیے بنایا گیا پہلا پوسٹر سب سے پہلے شاہ رخ خان نے اپنے ٹوئٹر اکاو¿نٹ سے شیئر کیا۔شاہ رخ نے ساتھ یہ پیغام بھی تحریر کیا کہ بھائی ہونا ہیرو ہونے سے زیادہ بڑھ کر ہے۔ اس کے ایک گھنٹے بعد اداکار عامر خان نے بھی سلمان خان کی آنے والی فلم ‘بجرنگی بھائی جان’ کی پہلی جھلک شیئر کر دی۔فلم ‘بجرنگی بھائی جان’ میں سلمان خان کے ساتھ اداکارہ کرینہ کپور اور نوازالدین صدیقی بھی اہم کردار کرتے نظر آئیں گے اور فلم اس سال عید پر سینما گھروں میں نمائش کے لئے پیش کی جائے گی۔