ممبئی (نیوز ڈیسک) بالی ووڈ اداکار سلمان خان بھی ڈب سمیش ایپ کے متاثرین کی فہرست میں شامل ہوگئے ہیں۔ انہوں نے اپنی پہلی ڈب سمیش ویڈیو انسٹاگرام پر اپ لوڈ کی ہے جس میں وہ شتروگھن سنہا کے ڈائیلاگز پر اپنی ایکٹنگ کے جوہر دکھا رہے ہیں۔ ان کے ہمراہ موجود سوناکشی سنہا بھی ویڈیو میں دکھائی دیتی ہیں۔ اس ویڈیو کو سلمان خان نے ”ٹربیوٹ ٹو شاٹ گن“ کے نام سے پوسٹ کیا ہے۔سلمان خان کے اس اقدام کو ان کی عوام میں اپنی مقبولیت دوبارہ بڑھانے کا ایک سٹنٹ بھی قرار دیا جارہا ہے کیونکہ ہٹ اینڈ رن کیس میں عدالت کی جانب سے ان کی درخواست منظور کرنے پر بھارتی عوام کو ایسا محسوس ہوتا ہے کہ سلمان خان نے اپنے اثر و رسوخ کا فائدہ اٹھایا ہے۔