لاہور(نیوز ڈیسک)پاکستانی اداکارہ حمیمہ ملک اور سکندر رضوری کی آنے والی فلم ‘دیکھ مگر پیار سے’ کی لاہور میں جاری شوٹنگ مکمل ہوگئی۔فلم کے اداکار اور عملے کے مطابق اس فلم کو کرنے میں سب کو بہت مزہ آیا ہے اور ایسا لگتا ہے جیسے شوٹنگ ابھی شروع ہوئی ہے۔ نجی ٹی وی کے مطابق فلم دیکھ مگر پیار سے اس سال اگست میں ریلیز ہوگی اور یہ نور جہاں کے نواسے سکندر رضوی کی پاکستانی انڈسٹری میں پہلی فلم ہوگی۔اداکارہ حمیمہ ملک نے حال ہی میں فلم کی شوٹنگ ختم ہونے کے بعد سماجی رابطہ کی ایپلیکیشن پر اپنی اور اداکار سکندر کی تصویر شئیر بھی کی ہے۔