ممبئی (نیوز ڈیسک ) بالی ووڈ اداکار ورون دھون اور شردھا کپور ڈانس فلم ”اے بی سی ڈی ٹو“ کی تشہیر کے لیے ممبئی کے ریڈیو سٹیشن پہنچ گئے ، دونوں اداکاروں نے رقص کے جوہر بھی دکھائے۔ نئی فلم دو ہزار تیرہ میں بننے والی فلم اینی باڈی کین ڈانس کا سیکوئل ہے۔ ”اے بی سی ڈی ٹو“کی کہانی نوجوان گروپ کی ہے جو لاس ویگاس میں ہونے والے رقص کے بڑے مقابلے میں خود کو منوانے کی کوشش میں ہے۔ ممبئی میں ہونے والی فلم کی تشہیر میں دونوں اداکار رقص کرتے رہے۔ کامیڈی ڈانس فلم انیس جون کو سینما گھروں کی زینت بنے گی۔