کانز (نیوز دیسک) بالی ووڈ حسینہ ایشوریا رائے کی فلم ”جذبہ“ کے چند منتخب سینز کانز فلمی میلے میں پیش کئے گئے۔ اس موقع پر اداکارہ کے ہمراہ فلم کے ڈائریکٹر سنجے گپتا بھی موجود تھے۔ ایشوریا نے اس موقع کیلئے بطور خاص گہرے میرون رنگ کی میکسی زیب تن کی تھی۔ ایشوریا اس لباس میں کافی معقول دکھائی دیں ورنہ اس سے قبل تک وہ، سونم کپور اور کترینہ کیف سمیت کوئی بھی بالی ووڈ حسینہ کینز فلمی میلے کے ریڈ کارپٹ پر بین الاقوامی میڈیا کی زیادہ توجہ نہ پاسکی تھی۔ فلم جذبہ ایشوریا کے بالی ووڈ کیریئر کیلئے بے حد اہم ہے کیونکہ ان کی بیٹی ارادھیا بچن کی پیدائش کے بعد یہ ان کی پہلی فلم ہوگی اور اس کی کامیابی کی صورت میں ہی فلمساز انہیں دیگر فلموں میں کاسٹ کریں گے۔