ہانگ کانگ (نیوز ڈیسک)ہانگ کانگ سے تعلق رکھنے والے ہالی ووڈ اداکار جیک چین اپنی موت کے حوالے سے چلنے والی خبروں سے تنگ آگئے جس کے بعد انہوں نے خود میڈیا کے سامنے آ کر اس کی تردید کی۔ جیکی چن کی ایک حادثے میں موت کی اطلاع ایک روز سے گردش کر رہی تھی، ہالی ووڈ اداکار اس حوالے سے خاموش رہے اور منظر عام سے بھی غائب تھے جس وجہ سے یہ افواہ رفتہ رفتہ خبر کا روپ دھارنے لگی تاہم جیکی چن نے اب اس کی تردید کی ہے۔ فرانس میں میڈیا سے گفتگو کرتے ہوئے جیکی چن نے کہا کہ سب سے پہلے تو میں یہ کہنا چاہتا ہوں کہ میں زندہ ہوں، دوسرے نمبر پر یہ کہنا چاہوں گا کہ میری موت کی اطلاع میں کوئی حقیقت نہیں ہے۔