ممبئی (نیوز ڈیسک)اداکارہ ودیا بالن نے کہا ہے کہ فلم ”ہماری ادھوری کہانی“ یہ ثابت کر دیگی کہ شادی شدہ خواتین بھی انڈسٹری میں کامیاب ہو سکتی ہیں۔ میڈیا سے گفتگو کرتے ہوئے انہوں نے کہا کہ میری گزشتہ تین فلمیں اچھا بزنس نہیں کر سکیں جس کی وجہ سے میرے بارے میں یہ عام تاثر پایا جانے لگا تھا کہ شادی میرے کیرئیر پر اثر انداز ہو رہی ہے۔ تاہم میں نے ہمیسہ یہی کہا کہ فلم کی کامیابی یا ناکامی کا انحصار اس کے اچھا اور برا ہونے پر ہے جبکہ متعدد متغیرات ہوتی جو فلم کی کامیابی میں کردار ادا کرتی ہیں۔ انہوں نے امید ظاہر کی کہ ان کی آنیوالی فلم جو کہ عمران ہاشمی کے ساتھ ہے یہ ثابت کر کے رہے گی کہ شادی شدہ اداکارائین بھی انڈسٹری میں نمایاں کامیابی حاصل کر سکتی ہین۔ انہوں نے کہا کہ بہت سی اداکارائیں ہیں جو شادی شدہ ہونے کے باوجود انڈسٹری میں نمایاں کامیابیاں حاصل کر رہی ہیں ان میں کاجول‘ کرینہ کپور اور ایشوریا رائے کی مثال سب کے سامنے ہے