ممبئی(نیوز ڈیسک)سلمان خان کی سزا معطلی سے سرمایہ کار کمپنیوں کے بھاگ کھل گئے،دبنگ خان پر پیسہ لگانے والی کئی کمپنیوں کے مارکیٹ شئیرز کی قیمتوں میں نو فی صد تک اضافہ ہو گیا۔بمبئی ہائی کورٹ کے فیصلے کے بعد سلمان خان پر پیسہ لگانے والی کمپنیوں نے سکون کا سانس لیاہے۔سلمان کی فلم “بجرنگی بھائی جان ” اور “ہیرو”پر سرمایہ کاری کرنے والی کمپنی کے شئیرز سیشن کورٹ کے فیصلے کے بعد چھ فی صد گر گئے تھے لیکن اب اس میں نو فی صد اضافہ ہو گیا ہے۔اسی طرح سلمان کی این جی او کے ساتھ مل کرکام کرنے والی ایک صنعت کے شئیرزبھی چار فی صد گر گئے تھے مگر اب اس میں بھی زبردست اضافہ دیکھا گیا ہے۔