ممبئی (نیوز ڈیسک ) بالی ووڈ کی مسک کلی پاکستانی کولہا پوری چپل پاکر خوشی سے کھل اٹھیں ، اداکارہ نے ٹوئٹر پر جوتی کی تصویر مداحوں کے ساتھ شئیر کی۔ خوبصورت ہیروئن سونم کپور کی جوڑی پاکستانی اداکار فواد خان کے ساتھ خوب جچی۔ اداکارہ کے پوری دنیا میں لاکھوں مداح ہیں۔ سونم کو ایک پاکستانی مداح کی جانب سے کولہا پوری چپل کا تحفہ موصول ہوا ہے۔ اداکارہ نے جوتی پہن کر تصویر سوشل میڈیا پر شئیر کی۔ سونم کپور ایک بار پھر پاکستانی اداکار فواد خان کے ساتھ نئی فلم ”بیٹل فار بیٹورا “میں جوڑی بنانے کو تیار ہیں۔