لاس اینجلس(نیوز ڈیسک) بالی ووڈ اداکارہ بپاشا باسو کی ہالی ووڈ فلم ”دی لورز“ سینما گھروں میں ریلیز نہ کرنے کا فیصلہ کر لیا گیا۔رینالڈ جوفی کی ہدایتکاری میں بنائی جانے والی اس فلم کا نام ابتدا میں کچھ اور تھا جسے بعد میں ”دی لورز“ کر دیا گیا اسے رواں برس مخصوص سینما گھروں میں ریلیز کیا جانا تھا تاہم اب فلم کو متعدد مرتبہ التوا میں ڈالنے اور کئی مرتبہ دوبارہ شوٹ کرنے کے بعد ڈی وی ڈی پر ریلیز کرنے کا فیصلہ کر لیا گیا ہے۔ واضح رہے کہ ڈی وی ڈی پر ان فلموں کو ریلیز کیا جاتا ہے جن کے باکس ا?فس پر مکمل طور پر ناکام رہنے کا یقین ہو۔