کراچی(نیوز ڈیسک) ٹیلی ویڑن ڈراموں کی معروف اداکارہ و ماڈل آمنہ شیخ نے کہا ہے یہ فلم ہمارے چاکلیٹی ہیرو وحید مراد کی سپر ہٹ فلم کا ہی ری میک ہے۔ میں نے زیبا بیگم کا کردار نبھایا ہے۔ فلم کے ڈائریکٹر انجم شہزاد ہیں۔ انہوں نے ہمیں پرانی فلم دیکھنے سے منع کیا تھا تاکہ ہم نئے انداز سے پرفارمنس دے سکیں۔ ان خیالات کا اظہار انہوں نے گزشتہ روز کیٹ واک کے تحت کلفٹن میں منعقدہ فیشن شو کے موقع پر خصوصی بات چیت کرتے ہوئے کیا۔ آمنہ شیخ نے ایک سوال کے جواب میں بتایا کہ پرانی فلم ”ارمان” کی کاسٹ میں زیبا بیگم، وحید مراد، روزینہ اور دیگر فنکاروں نے کام کیا تھا۔جبکہ نئی فلم میں دیگر فنکاروں میں ماہ نور خان، واسع چوہدری اور جہاں زیب خان شامل ہیں۔