لاہور(نیوزڈیسک)بھارتی فلم انڈسٹری سے وابستہ شخصیات نے پاکستان میں بنی ہوئی فلموں کو بھارت سمیت دیگر ممالک میں ریلیز کرنے کی تیاریاں شروع کر دیں۔اس سلسلے میں بھارت کے نامور فلمساز و تقسیم کار شیام شیروف جو متعدد مرتبہ پاکستان آچکے ہیں ۔وہ ان کوششوں کو عملی جامہ پہنانے کی کوشش کر رہے ہیں ۔شیام شیروف ماضی میں بھارت کے فلم بینوں کے لیے “خدا کے لیے”بول اور سلاخیں ریلیز کر چکے ہیں ۔ان فلموںنے بھارت میں کامیاب بزنس کیا تھا ۔اب شیام شیروف کے ہمراہ دیگر متعدد تقسیم کار بھی نئی جدید ٹیکنالوجی پر مبنی فلموں کی بھارت میں نمائش کرنے میں دلچسپی رکھتے ہیں ۔شیام شیروف کا کہنا ہے کہ پاکستان میں سرکاری طور پر دبئی طرز کی فلموں کے لیے انٹرنیشنل پالیسی بنانا ہو گی ۔اس کے علاوہ نئے منی سینماز کو بھی فروغ دینا ہو گا۔اس طرح پاکستان دنیا بھر میں جدید فلمسازی اور سینماﺅں سے منسلک ہو جائے گا۔