ممبئی (نیوز ڈیسک) بالی ووڈ اداکارہ شلپا شیٹھی کے شوہر راج کندرہ نے ٹوئٹر پر اداکار شاہ رخ خان کے خلاف نیا محاذ کھولا ہے اور اداکار کو کھری کھری سنائی ہیں۔ شاہ رخ کی جانب سے تاحال کوئی جواب نہیں دیا گیا ہے۔ تفصیلات کے مطابق اداکار شاہ رخ خان جو عرصے سے قومی اور بین الاقوامی برانڈز کی مشہوری کرتے دکھائی دیتے ہیں گزشتہ کچھ برس سے ایک جوس کمپنی کے اشتہار میں بھی دکھائی دیتے ہیں۔ اس جوس کے تازہ ترین اشتہار میں معنی خیز الفاظ استعمال کئے گئے ہیں جن پر راج کندرہ کو اعتراض ہے۔ انہوں نے ٹوئٹ کیا ہے جس میں شاہ رخ سے سوال کیا ہے کہ یہ بے حد افسوسناک ہے کیونکہ بچے اسے گاتے پھر رہیں۔ شاہ رخ نے کیسے اس اشتہار کے سکرپٹ کی منظوری دے دی۔ واضح رہے کہ راج کندرہ اور شاہ رخ کے بیچ آئی پی ایل کے سبب رقابت پیدا ہوئی ہے۔ شاہ کولکتہ نائٹ رائیڈرز کے مالک ہیں جبکہ راج کندرہ راجستھان رائلز کے مالکان میں شامل تھے تاہم وہ میچ فکسنگ الزامات کے بعد سے اپنے شیئرز بیچ چکے ہیں۔