نیویارک(این این آئی)فوٹو اور ویڈیو شیئرنگ ایپ انسٹاگرام سروس تکنیکی خرابی کے باعث دنیا کے بیشتر ممالک میں معطل ہوگئی۔غیرملکی خبررساں ادارے کے مطابق برطانیہ اور دیگر ممالک میں انسٹاگرام صارفین کی جانب سے صبح سے شکایات موصول ہو رہی ہیں کہ انسٹاگرام ویب سائٹ اور ایپ کام نہیں کر رہی اور اسے استعمال کرتے وقت دشواری کا
سامنا ہے۔صارفین کے مطابق انسٹاگرام ویب استعمال کرنے پر’’ایرر‘‘کا پیغام سامنے آ رہا ہے جبکہ موبائل ایپ استعمال کرنے پر بھی یہی پیغام واضح ہورہا ہے۔اس حوالے سے انسٹاگرام کمپنی کی جانب سے کوئی تفصیل یا بیان سامنے نہیں آیا اور ممکن ہے کہ جلد ہی انسٹاگرام کی سروس بحال کردی جائے۔ اس بارے میں ٹوئٹر پر بھی آگاہ کیا جا رہا ہے۔
