لندن (مانیٹرنگ ڈیسک) 2020ء تک دنیا بھر میں موبائل فون استعمال کرنے والے صارفین کی تعداد 5.5 ارب ہو جائے گی۔ میڈیا رپورٹ کے مطابق اس وقت دنیا میں 4 ارب 80 کروڑ صارفین موبائل فون استعمال کررہے ہیں۔ ماہرین کو اندازہ ہے کہ 2020ء تک یہ تعداد بڑھ جائے گی اور مجموعی طور پر 5 ارب 50 کروڑ افراد موبائل فون استعمال کریں گے۔ آمدنی میں اضافہ، اخراجات میں کمی، سستی ٹیکنالوجی ایسے عوامل ہیں جس کی وجہ سے موبائل فون کا استعمال بڑھ رہا ہے۔ گزشتہ سال دنیا بھر میں موبائل فون مارکیٹ کا حجم 260 ارب ڈالر تھا جبکہ 2020 ء تک یہ حجم 3 ہزار 155 ارب ڈالر تک پہنچ جائے گی۔