نیویارک(نیوز ڈیسک) نہ زلزلہ آیا اور نہ ہی کوئی لینڈ سلائیڈنگ ہوئی لیکن پھر بھی ایسا کیا ہوا کہ امریکا کے پہاڑ اچانک پھٹ پڑے اور ایک بڑی اور گہری دراڑ نے زمین کو 2 حصوں میں بانٹ دیا جب کہ سائنس دان بھی اس واقعے پر حیرت زدہ رہ گئے اور تحقیق شروع کردی۔امریکی میڈیا رپورٹ کے مطابق امریکا کے ویومنگ بگ ہورن کے پہاڑوں کے درمیان گزشتہ دنوں ایک بڑی دراڑ زمین پر اچانک نمودار ہوگئی جب کہ لوگوں نے نہ ہی زلزلہ محسوس کیا اور نہ ہی کوئی لینڈ سالئیڈنگ ہوئی۔ رپورٹ کے مطابق یہ دراڑ 750 گز لمبی اور 50 گز چوڑی ہے۔ کچھ ماہرین کا کہنا ہے کہ چٹانوں کے کیپ کے قریب آبشار کی لوبریکیشن کی وجہ سے زمین پھٹی اور بڑی دراڑ نمایاں ہوگئی جب کہ زمین کی سطح کے نیچے پانی کے ماہر اور ویومنگ جیولجیکل سروے کے مینجر کا کہنا ہے کہ ہو سکتا ہے کہ دراڑ سست رفتار لینڈ سلائیڈنگ کی وجہ سے پیدا ہوئی ہو۔ان کا کہنا تھا کہ لینڈ سلائیڈنگ بعض اوقات انتہائی تباہ کن رفتار سے بھی ہوسکتی ہے جبک ہ کچھ ہلکی رفتار سے ہوتی ہیں تاہم اس طرح کی پڑ جانے والی دراڑ کا انحصار پہاڑ کے سائز اور زمین کے استحکام پر ہوتا ہے۔ لینڈ سلائیڈ کی رفتار کو بڑھانے میں زمین کی نچلی سطح کو کمزور کردینے والی نمی اہم کردار ادا کرتی ہے۔