کراچی (نیوز ڈیسک)موسیقی سے لطف اندوز ہونے کا شوق اکثر لوگوں میں پایا جاتا ہے لیکن کچھ جگہیں ایسی ہیں جہاں یہ شوق پورا نہیں ہوپاتا،جیسے غسل خانہ،سوئمنگ پول اور پانی کے اندر تو ایسا بالکل بھی ممکن نہیں۔تاہم اب ایک کمپنی نے ایسا سپیکر بنالیا ہے جوکہ مکمل طور پر واٹر پروف ہے اورجسے پانی کے اندر بھی چلایا جاسکتا ہے۔
امریکی ریاست کیلی فورنیا کی کمپنی نے Boombat Proکے نام سے یہ سپیکر متعارف کروایا ہے جسکی قیمت 120ڈالر(12ہزارروپے)ہے اور اس کی بیٹری لائف چھ گھنٹے ہے۔اس سپیکر کو تین فٹ پانی کے نیچے رکھا جاسکتا ہے جبکہ اسے مختلف ڈیوائسس کے ساتھ کونیکٹ کرنے کے لئے بلیوٹوتھ کا استعمال کیا گیا ہے۔چار انچ کے سائز کے اس سپیکر کو تمام ایسی ڈیوائسس کے ساتھ جوڑا جاسکتا ہے جن میں بلیوٹوتھ کام کررہا ہو۔یہ سپیکر بنانے والی کمپنی کاکہنا ہے کہ تمام ایسے لوگ جنہیں اعلیٰ پیمانے کی آواز سننے کا شوق ہو ان کے لئے یہ سپیکر بہت ہی اچھا ہے۔