اسلام آباد ( نیوز ڈیسک)دنیا کی مشہور وائر لیس ٹیلی کمیو نیکیشن کمپنی ویریزون نے دنیا کی تیز ترین فائبر آپٹک انٹر نیٹ ٹیکنالوجی متعارف کرانے کی تیاریاں مکمل کر لیں جس کے بعد کمپنی ایک سیکنڈ میں 10 گیگا بائیٹس ڈیٹا ٹرانسفر کر سکے گی۔ حیران کن بات یہ بھی ہے اس ٹیکنالوجی کے سامنے گوگل فائبر بھی کچھ نہی ۔یہ ٹیکنالوجی گوگل فائبر سے 10 گنا زیادہ تیزرفتار ہو گی ،واضح رہے کہ ایک سیکنڈ میں 500 میگا بائٹس کی سپیڈ کے ساتھ ویریزون کمپنی ہی اس وقت پہلے نمبر پر ہے۔سائنسی اصطلاحات سے ہٹ کر ایک سیکنڈ میں 500 میگابائٹس سپیڈ کا مطلب یہ بھی ہے کہ آپ ایک ہائی ڈیفینیشن فلم صرف 15 سیکنڈ میں ڈاﺅن لوڈ کر سکتے ہیں مگراب فائبر آپٹکس کا آنے والا کل حیران کن طور پر 20 گنا زیادہ تیز رفتار ہوگا۔ویریزون کمپنی نے اپنے اس نئے پیکج کا نام NG-PON2 رکھا ہے جو گھروں میں استعمال ہونے والے انٹرنیٹ کنکشنز کی سپیڈسے ہزاروں گنا زیادہ تیز ہوگا۔کمپنی کا یہ بھی کہنا تھا یہ نئی جنریشن ایک سیکنڈ میں 80 جی بی کی سپیڈ تک چلی جا ئے گی جو اینٹر نیٹ کی دنیا کا ایک معجزہ ہو گا جس سے کمیونیکیشن کی دنیا بھی یکسر بدل کر رہ جائے گی۔