اسلام آباد(نیوزڈیسک )پاکستان اوربھارت کے دوآئی ٹی ماہرین نے اردوزبان میں خصوصی ایپ لانچ کردی ہے جو حجاج کرام اورمعتمرین کے لئے حج اورعمرہ کے بارے میں معلومات فراہم کرے گی۔
عرب ٹی وی کے مطابق بھارتی عالم نجیب قاسمی،سعودی عرب کی کنگ سعود یونیورسٹی کے لیکچرارمدثرایوب اور لاہوریونی ورسٹی کے عبدالباسط خان کی جانب سے تیارکی گئی یہ ایپلی کیشن ابتدائی طورپراردو میں لانچ کی گئی ہے اورجلد ہی اسے انگریزی میں بھی لانچ کردیا جائے گا۔اس ایپ کوفی الحال اینڈروائڈ ٹیبلیٹ اورکسی بھی اسمارٹ فون کے پلے اسٹورسے 2 منٹ میں ڈاو¿ن لوڈ کیا جاسکتا ہے،جلد ہی اسے ا?ئی فون میں بھی متعارف کرادیا جائے گا۔نجیب قاسمی کا کہنا ہے کہ “13 ایم بی” کی اس ایپ میں فراہم کی جانے والی معلومات یونی کوڈ فارمیٹ میں ہے اس لئے اسے واٹس ایپ، فیس بک، ای میل اور موبائل ایس ایم ایس کے ذریعے دوسرے صارفین کو شیئربھی کیا جاسکتا ہے۔واضح رہے کہ رواں برس ایک لاکھ 40 ہزار پاکستانی جب کہ ایک لاکھ 36 ہزاربھارتی فریضہ حج ادا کریں گے اس کے علاوہ دونوں ملکوں سے تعلق رکھنے والے لاکھوں معتمرین بھی عمرہ کی سعادت حاصل کرتے ہیں۔