سان فرانسسکو(نیوزڈیسک )سماجی رابطوں کی ویب سائٹ ٹویٹر نے اعلان کیا ہے کہ چیف ایگزیکٹو ڈک کوسٹولو اپنے عہدے سے مستعفی ہو رہے ہیں۔کمپنی کے مطابق ٹویٹر کے شریک بانی جیک ڈورسی یکم جولائی سے قائم مقام چیف ایگزیکٹو کے طور پر چارج سنبھالیں گے اور کسی موزوں امیدوار کے ملنے تک اس عہدے پر فائز رہیں گے۔کوسٹولو پر کمپنی کی ترقی تیز نہ ہونے پر سرکایہ داروں کی طرف سے کافی دبا تھا۔کوسٹولو نے اپنے بیان میں کہا ہے کہ ان کو ٹویٹر کی ٹیم پر فخر ہے۔ٹویٹر کا کہنا ہے کہ نئے چیف ایگزیکٹو کی تلاش کے لیے بورڈ قائم کردیا گیا ہے۔کوسٹولو کے مستعفی ہونے کی خبر کے ساتھ ہی ٹیویٹر کے حصص کی قیمتوں میں سات فیصد اضافہ ہوا ہے۔
ٹویٹر کے حصص 2013 میں فروخت کے لیے پیش کیے گئے تھے لیکن سرمایہ داروں کی توقعات کے برعکس ٹویٹر کے صارفین میں تیزی سے اضافہ نہیں ہو رہا تھا۔اپریل میں ٹویٹر کو 162 ملین ڈالر کا خسارہ ہوا۔ اس کے حصص کی قیمت میں 30 فیصد کمی ہوئی ہے۔
تاہم ٹیکنالوجی بلاگر جان گربر کا کہنا ہے کہ میرے خیال میں وال سٹریٹ چاہتی ہے کہ ٹویٹر فیس بک کی طرح ہو جائے۔ کوئی بھی چیف ایگزیکٹو ایسا نہیں کرسکتا۔