نیویارک(نیوز ڈیسک) ایپل کی سالانہ ڈویلپرز کانفرنس کا انعقاد آئندہ ہفتے ہورہا ہے اور اس ایونٹ میں کئی بڑے اعلان سامنے آنے کی توقع ہے اور ان میں سب سے خاص ہے آئی فون، آئی پیڈ اور میک کے لیے نیا آپریٹنگ سسٹم آئی او ایس نائن۔لگ بھگ عام طور پر ایپل کی سالانہ کانفرنس کے موقع پر ہی ایپل کی جانب سے اپنے تازہ ترین سافٹ ویئرز متعارف کرائے جاتے ہیں اور رواں برس بھی کچھ مختلف نہیں۔
آئی او ایس نائن کو بھی اس کانفرنس میں متعارف کرائے جانے کا قوی امکان ہے جس میں زیادہ توجہ سسٹم کے استحکام، بگ فکسز اور او ایس نیٹ ورک کو پرانی ڈیوائسز جیسے آئی فون 4s سے مطابقت پیدا کرنے پر دی جارہی ہے۔تاہم ایپل میپس میں ٹرانزٹ روٹس، آئی پیڈ میں ڈوئل ایپ ویونگ موڈ اور ایک نیا ڈیجیٹل اسسٹنٹ انٹرفیس پروایکٹو وغیرہ سمیت کچھ زبردست نئے فیچرز بھی اس سسٹم کا حصہ ہوں گے۔یہ ڈیجیٹل اسسٹنٹ گوگل ناﺅ فیچر کا جواب ہوگا اور آپ کو تھرڈ پارٹی اپلیکشنز، کانٹیکٹس، پاس بک اور کیلینڈر وغیرہ سے متعلق معمولات بروقت فراہم کرے گی۔
ایسی اطلاعات بھی سامنے آرہی ہیں کہ ایپل کی جانب سے ایک نیا کی بورڈ بھی متعارف کرایا جاسکتا ہے جو کہ پورٹریٹ اور لینڈ اسکیپ موڈ دونوں پر کام کرسکے گا۔