اسلام آباد(نیوز ڈیسک)مائیکروسافٹ کی ونڈوز 10 رواں برس کسی وقت ریلیز کی جائے گی تاہم اس سے پہلے امریکی کمپنی نے پوری دنیا کو چیلنج کردیا ہے۔مائیکروسافٹ نے پوری دنیا کو سولیٹیئر نامی گیم کے ٹورنامنٹ کے لیے چیلنج کیا ہے جس میں اس کمپنی کے بہترین کھلاڑی اس گیم کے سب سے بڑے پرستاروں کے مدمقابل آئیں گے۔اس ٹورنامنٹ کے مین راو¿نڈ کا آغاز سولیٹیئر گیم کو 25 سال مکمل ہونے کے موقع پر 5 جون سے ہوگا۔خیال رہے کہ یہ گیم طویل عرصے سے ونڈوز آپریٹنگ سسٹم کا مستقل حصہ بنی ہوئی ہے۔اس ٹورنامنٹ کے پہلے مرحلے کا آغاز آج سے مائیکروسافٹ کے ملازمین کے درمیان مقابلوں سے ہوگا جس میں جتینے والے افراد جون کے اوائل میں دنیا بھر کے عام لوگوں سے ٹکرائیں گے۔مائیکروسافٹ کے آفیشل بلاگ کے مطابق پوری دنیا کو چیلنج ہے کہ اپنے سب سے بہترین کھلاڑیوں کو سامنے لاکر ہمارے بہترین افراد کو شکست دیں۔