اسلام آباد (نیوز ڈیسک )متحدہ عرب امارات کی فضاﺅں میں 2 افراد نے اڑنے والا جیٹ پیک پہن کر فضا میں انتہائی دلچسپ اور جرات مندانہ کرتب دکھاکر لوگوں کو حیران کردیا۔سوئزرلینڈ کے سابق فائٹر پائلٹ ایو روسی جو ”جیٹ مین“ کے نام سے مشہور ہیں انہوں نے اپنے فرانسیسی ساتھی ونسے ریفے کے ساتھ دبئی کی فضاو¿ں میں جو کرتب دکھائے ہیں اسے دیکھ کر لوگ حیرانی کی تصویر بن گئے۔لہراتے بل کھاتے ان دونوں افراد نے دبئی کی اہم عمارتوں کے پس منظر میں اپنے کرتب دکھائے جن میں دنیا کی بلند ترین عمارت برج خلیفہ اور سمندر کے درمیان بنائے پام جزائر بھی شامل ہیں۔

ہیلمٹ اور حفاظتی سوٹ پہنے دونوں جانبازوں نے ایک دوسرے کے اوپر چھلے کی صورت میں فضائی کرتب کا مظاہرہ کیا اور اس وقت ان کی رفتار 120 میل فی گھنٹہ سے بھی زیادہ تھی جب کہ دونوں 5 ہزار فٹ کی بلندی پر تھے۔ اس سے قبل دونوں سوئزرلینڈ کے پہاڑ ایلپس، جاپان کے پہاڑ فجی اور انگلش چینل بھی پرواز کرکے عبور کرچکے ہیں۔اسی جیٹ پیک کو دیکھتے ہوئے ایک اور کمپنی نے ایسا جیٹ پیک بنایا ہے جس کی قیمت 2 لاکھ ڈالر (پاکستانی 2 کروڑ روپے) ہے لیکن اسے ا±ڑانے کے لیے خاص تربیت کی ضرورت ہے۔