میکسیکوسٹی(نیوزڈیسک) میکسیکو کی فضاوں میں سگار سے مشابہ ایک اڑن طشتری پرواز کرتی دیکھی گئی ہے.اڑن طشتریوں سے متعلق ایک سائنسی رپورٹ میں دعویٰ کیا گیا ہے کہ اس خلائی جسم کے اڑنے کے ویڈیو ثبوت 3 مئی 2015 کو سامنے آئے جس میں پیش کئے گئے حقائق کے مطابق پوپو کیٹے پیٹل نامی میکسیکن آتش فشاں جو میکسکو کے دارلحکومت میکسیکو سٹی کے جنوب مشرق میں 43 میل کی دوری پر ہے اور اس کے اوپر سگار سے مشابہ ایک دیو ہیکل جسم کو فضا میں منڈلاتے ہوئے دیکھا گیا جس کے گرد پراسرار روشنی کا ہالہ تھا۔یہ خلائی اجسام بے ربط لیکن بہت زیادہ رفتار سے سفر کرتے دیکھے گئے جس کی وجہ سے ان کو انسانی آنکھ سے دیکھا جانا ممکن نہیں تھا یہ بات بھی قابل ذکر ہے کہ زمین پر موجود کسی بھی شخص یا ریڈار کنٹرول روم نے ان کی موجودگی کی تصدیق نہیں کی ، کیوں کہ ریڈارز ان کی حرکت کو ٹریک کرنے سے قاصر تھے۔واضح رہے کہ رواں سال اب میکسکو میں اڑن طشتریاں دیکھے جانے کے تقریباً 11 واقعات رپورٹ ہوئے جن میں سے ایک میکسیکن ائیر فورس کے پائلٹس کی معمول کی فوجی پرواز کے دوران انفرا ریڈ کیمرے کی مدد سے ریکارڈ کی گئی ویڈیو بھی تھی۔