لاہور (این این آئی)شاہدرہ ٹائون میں قتل کا افسوسناک واقعہ پیش آیا، جہاں ایک شخص نے مبینہ طور پر اپنی بیوی سے ناجائز تعلقات کے شبہ میں رشتے دار پڑوسی کو گردن کاٹ کر قتل کردیا۔
پولیس کے مطابق ملزم صفدر کو شبہ تھا کہ مقتول کے اس کی بیوی کے ساتھ تعلقات ہیں، جس کے باعث دونوں کے درمیان پہلے بھی لڑائی جھگڑا ہوچکا تھا۔پولیس ذرائع کے مطابق مقتول کی شناخت حامد بھٹی کے نام سے ہوئی ہے۔ واقعے کے بعد ملزم موقع سے فرار ہوگیا۔واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی اور شواہد اکٹھے کیے۔ پولیس حکام کے مطابق شواہد محفوظ کرنے کے بعد مقتول کی لاش مردہ خانے منتقل کردی گئی۔
ایس پی سٹی کے مطابق ملزم کی گرفتاری کے لیے کارروائی جاری ہے اور اسے جلد گرفتار کرلیا جائے گا۔ پولیس نے واقعے کے محرکات اور دیگر پہلوئوں سے متعلق مزید تحقیقات شروع کردی ہیں۔
