مکوآنہ (این این آئی) کھرڑیانوالہ پولیس نے باپ کی بیٹی سے زیادتی کی کال کرنیوالے بیٹے کو گرفتار کر کے حوالات بند کر دیا، قانونی کارروائی کروانیوالے اے ایس آئی میاں شاہد نے بتایا کہ 229 رب ملکھانوالہ کے حیدر علی نامی نوجوان نے ریسکیو15 پر کال کی کہ اس کے باپ امتیاز نے اسکی ہمشیرہ رانی بی بی سے زیادتی کی ہے جس پر پولیس پارٹی موقع پر پہنچی تو کالر کی ہمشیرہ رانی بی بی اور والدہ رضیہ بی بی نے بتایا کہ ایسا کوئی واقعہ رونما نہ ہوا ہے۔حیدر علی نے جھوٹی کال کی ہے۔

تصدیق کرنے پر بھی کال بوگس نکلی جس پر کال کرنیوالے ناخلف بیٹے حیدر علی کو پکڑ کر حوالات میں بند کر دیا اور اس کیخلاف مقدمہ درج کر کے تفتیش شروع کرد ی ہے۔