کوئٹہ (این این آئی)بلوچستان کے کئی علاقوں میں تیز ہواں کے ساتھ بارش اور پہاڑوں پر برفباری کا امکان ہے۔محکمہ موسمیات کے مطابق صوبے کے بیشتر بالائی اضلاع میں مطلع جزوی ابر آلود رہے گا جب کہ پشین، زیارت، ژوب، شیرانی، موسی خیل، سبی، بارکھان اور خضدار میں بند مقامات پرتیز ہواوں اور گرج چمک کے ساتھ بارش اور پہاڑوں پر برفباری کا امکان ہے۔

محکمہ موسمیات کے مطابق کوئٹہ میں کم سے کم درجہ حرارت 5ڈگری سینٹی گریڈ ریکارڈ کیا گیا۔ اسی طرح قلات میں 7، سبی میں 15، نوکنڈی میں 11 اور تربت میں کم سے کم درجہ حرارت 17 ڈگری سینٹی گریڈ ریکارڈ کیا گیا ہے۔محکمہ موسمیات کے مطابق بلوچستان کے ساحلی علاقوں گوادر میں کم سے کم درجہ حرارت 18اور جیوانی میں 20 ڈگری سینٹی گریڈ ریکارڈ ہوا ہے۔