اسلام آباد (نیوزڈ یسک)لاہور کے ایک نجی کالج کی طالبہ سے مبینہ زیادتی کے خلاف آج فیصل آباد، جہلم، وہاڑی اور بورے والا میں طلبہ نے ایک بار پھر احتجاجی مظاہرے کیے۔فیصل آباد میں مشتعل طلبہ کو قابو میں کرنے کے لیے پولیس نے آنسو گیس کے شیل فائر کیے، جبکہ طلبہ نے جواباً پتھراؤ کیا۔
جہلم میں مظاہرین نے جی ٹی روڈ پر احتجاج کرتے ہوئے کالج کے باہر نصب بورڈز توڑ ڈالے۔طالبہ سے مبینہ زیادتی کے خلاف احتجاج کا دائرہ آزاد کشمیر تک پھیل گیا، جہاں راولا کوٹ میں طلبہ و طالبات کی بڑی تعداد نے مظاہرے میں حصہ لیا۔ مظاہرین نے اس واقعے کی فوری تحقیقات اور حقائق سامنے لانے کا مطالبہ کیا۔
