وادی نیلم(این این آئی)وادی نیلم میں 9سال قبل لاپتہ ہونے والے 3کوہ پیمائوں کی لاشیں مل گئیں۔تفصیلا ت کے مطابق آزاد کشمیر کی تاریخ کا سب سے بڑا سرچ اینڈ ریسکیو آپریشن کامیاب ہوگیا،وادی نیلم میں 9سال قبل لاپتہ ہونے والے 3کوہ پیمائوں کی لاشوں کو چار رکنی ریسکیو ٹیم نے سر والی بیس کیمپ ون سے ریکور کر کے ہسپتال منتقل کردیا۔

سروالی پیک کو 2015میں کراچی سے تعلق رکھنے والے 3کوہ پیمائوں نے سر کرنے کی کوشش کی تھی، 31اگست 2015کوتینوں کوہ پیمائوں کا بیس کیمپ سے رابطہ منقطع ہو گیا تھا۔گزشتہ ماہ 9سال بعد ان لاشوں کا سراغ لگایا گیا، لاپتہ ہونے والے کوہ پیمائوں کی شناخت عمران جنیدی، عثمان خالد اور خرم شہزاد کے ناموں سے ہوئی ہے۔